Նորություններ
ԵՄ խորհուրդը վերահաստատել է իրենց կառույցի շարունակական աջակցությունը Հայաստանում իրականացվող բարեփոխումներին
Անդրադառնալով առաջիկա անելիքներին և օժանդակություն պահանջող կարիքներին՝ փոխնախարարն ընդգծել է քաղաքացիական, վարչական դատավարությունների, կատարողական վարույթի, ինչպես նաև մի շարք այլ օրենքների մշակման առնչությամբ հնարավոր աջակցության անհրաժեշտությունը, այնուհետև պատասխանել գործընկերներին հետաքրքրող հարցերին:
Վիգեն Քոչարյան. «Ներդաշնակ հասարակությունում չպետք է լինեն ատելության կամ դրա քարոզի դրսևորումներ»
Քննարկմանը մասնակցել են նաև ՀՀ մարդու իրավունքների պաշտպան Արման Թաթոյանը, Հայաստանում ԵՄ պատվիրակության ղեկավար, դեսպան Պյոտր Սվիտալսկին, Խոսքի ազատության պաշտպանության կոմիտեի նախագահ Աշոտ Մելիքյանը, եվրոպացի փորձագետներ, քաղաքացիական հասարակության և լրատվամիջոցների ներկայացուցիչներ:
Արտակ Զեյնալյանը և Հակոբ Հակոբյանը շրջայց են կատարել Հարկադիր կատարման ծառայության Արագածոտնի վերանորոգված մարզային բաժնում
Արտակ Զեյնալյանը նշել է, որ Ծառայության Արագածոտնի մարզային բաժինն ամբողջությամբ նորոգվել է, ինչը, բնականաբար, նպաստում է, որ բոլոր ծառայությունները քաղաքացիներին մատուցվեն պատշաճ մակարդակով. «Արդար դատաքննության իրավունքը կիմաստազրկվի, եթե դատական ակտերը պատշաճ մակարդակով չկատարվեն, ժամանակին և ամբողջությամբ: Եվ այսպիսի պայմանների ապահովումը հենց կոչված է այդ իրավունքի ապահովմանը»:
Արտակ Զեյնալյանը խորհրդակցություն է անցկացրել Քրեակատարողական ծառայության ղեկավար անձնակազմի հետ
Նախարարի պաշտոնակատարը հանձնարարել է խիստ վերահսկել և կանխել կոռուպցիայի, մոլեխաղերի, արգելված իրերի ներթափանցման ցանկացած դրսևորում, իսկ դատապարված անձի կողմից պատշաճ վարքագիծ դրսևորելու դեպքում կիրառել խրախուսական միջոցներ:
Սուրեն Քրմոյանն ընդունել է Երևան-Սևան ավտոճանապարհի հատվածը փակած քաղաքացիներին
Պաշտպանները ներկայացրել են իրենց բողոքը մեկ գործով անցնող 8 կալանավորված անձանց դատական նիստերի՝ իրենց պնդմամբ անհիմն ձգձգման, դատարանի կողմից խափանման միջոց կալանքը գրավով փոխարինելու միջնորդությունը մերժելու և այլ հարցերի վերաբերյալ:
Համաժողով՝ նվիրված մասնավոր հատվածում կոռուպցիոն ռիսկերի նվազեցմանը
Արտակ Զեյնալյանը ողջունել է համաժողովի մասնակիցներին և նշել, որ Հայաստանում տեղի ունեցած թավշյա հեղափոխությունն ու դրանից հետո տեղի ունեցած իրադարձությունները պետք է իրապես որակել որպես աննախադեպ և պատմական: Նրա խոսքով, բիզնեսն այն հիմնական շահառուներից է, որի վրա պետք է անմիջականորեն անդրադառնան ժողովրդական պայքարի պտուղները: «Այս առումով, որպես կարևորագույն քայլ, անհրաժեշտ է մեր երկրի հաղթանակած հեղափոխությունը վերածել ինստիտուցիոնալ բարեփոխումների, ինչն առաջիկա ընտրություններից հետո նոր թափ պետք է առնի»,- նշել է Արտակ Զեյնալյանը և հավելել, որ հեղափոխության ընթացքում օգտագործված մարտավարական գործիքներն անհրաժեշտ է օգտագործել նաև բարեփոխումներ իրականացնելիս, այդ թվում՝ պարզ և հասանելի նպատակների սահմանում՝ կոնկրետ ժամկետներում, հասարակության ամենալայն ընդգրկում շարունակվող հեղափոխության մեջ՝ հստակ ձևակերպված կարճաժամկետ և ռազմավարական առաջադրանքներով, հանրությանը շարունակական հեղափոխության գլխավոր շարժիչ պահելու համար:
Արտակ Զեյնալյանն ընդունել է ԿԽՄԿ հայաստանյան պատվիրակության ղեկավարին
Նախարարի պաշտոնակատարը բարձր է գնահատել Արդարադատության նախարարության համագործակցությունը ԿԽՄԿ-ի հետ և փոխգործակցությունն ընդլայնելու պատրաստակամություն է հայտնել:
Սուրեն Քրմոյանը մասնակցել է թվային միջավայրում երեխաների իրավունքների պաշտպանությանը նվիրված ուղեցույցի շնորհանդես-քննարկմանը
Միջոցառման ընթացքում, որպես Անչափահասների արդարադատության խորհրդի նախագահ, Սուրեն Քրմոյանն անդրադարձել է երեխաներին բռնությունից պաշտպանելու համար անհրաժեշտ համալիր քայլերին:
Հանրային քննարկում ՄԻՊ գործողությունների ծրագրի վերաբերյալ
Արտակ Զեյնալյանը շնորհակալություն է հայտնել ԵՄ-ին և ՄԱԿ-ին հանրային քննարկման կազմակերպանն աջակցելու համար, կարևորել 2017 թվականին հաստատված ծրագրում հանրային քննարկումների պարբերական անցկացման ինստիտուտը ներդնելու քայլը՝ վստահեցնելով, որ ՄԻՊ ոլորտում հանրային քննարկումները նպաստում են քաղաքացիական հասարակության կողմից պետական մարմինների իրագործած աշխատանքի նկատմամբ վերահսկողության ամրապնդմանը: Նախարարի պաշտոնակատարի խոսքով՝ այս տարվա գարնանը Հայաստանում տեղի ունեցած թավշյա, ոչ բռնի հեղափոխությունը անհրաժեշտ է վերածել ինստիտուցիոնալ բարեփոխումների՝ որպես առաջնահերթություն սահմանելով մարդու և քաղաքացու հիմնարար իրավունքների և ազատությունների պաշտպանությունը:
Կբարելավվեն ՔԿՀ-ներում պահվող անձանց կոմունալ-կենցաղային պայմանները
Արտակ Զեյնալյանի խոսքով, նույնիսկ եթե այսօր սկսվի «Նուբարաշեն» ՔԿՀ-ին փոխարինող նոր քրեակատարողական հիմնարկի կառուցումը, այն կտևի տարիներ, իսկ այդ ընթացքում պետությունը պարտավոր է ապահովել պատշաճ պայմաններ ՔԿՀ-ներում պահվող անձանց համար: Նախարարի պաշտոնակատարը վստահեցրեց, որ գնման գործընթացն իրականացվելու է թափանցիկ և արդյունավետ:
Բարեփոխումներ ՔԿԱԳ ոլորտում
Արդարադատության նախարարի պաշտանակատար Արտակ Զեյնալյանի տեղեկացմամբ, առողջ մրցակցություն կձևավորվի քաղաքացիական կացության ակտերի գրանցման մարմինների միջև, որը բարենպաստ անդրադարձ կունենա քաղաքացիների սպասարկման ոլորտի զարգացման վրա: Այս բարեփոխման արդյունքում քաղաքացիները, համապատասխան գործառույթներ իրականացնելու նպատակով, իրավունք կունենան դիմելու ՔԿԱԳ ցանկացած մարմին, կնվազեցվեն ՔԿԱԳ մարմինների գործունեության կոռուպցիոն ռիսկերը, կբարելավվի ՔԿԱԳ մարմինների սպասարկման որակը և այլն:
Արտակ Զեյնալյանն ընդունել է ՄԱԿ-ի հատուկ զեկուցողին
Խոսելով դատական համակարգի անկախությունից՝ Արտակ Զեյնալյանը նշել է, որ նախորդ գործադիր իշխանությունը մեծ ազդեցություն է ունեցել դատական իշխանության նկատմամբ, լայն կիրառում է ունեցել այսպես կոչված «հեռախոսային արդարադատությունը»: «Մեր Կառավարությունն իր պաշտոնավարման առաջին իսկ օրվանից հայտարարել է, որ որևէ դատավոր պատվեր չի ստանալու: Դատավորներն ազատ են վարչապետից ու արդարադատության նախարարից հանձնարարականներ ստանալու պարտականությունից»,- նշել է նախարարի պաշտոնակատարը: Այդ համատեքստում Արտակ Զեյնալյանը կարևորել է նաև Էլեկտրոնային արդարադատության ոլորտում շարունակաբար ներդրվող ծրագրերը՝ ուղղված պետության գործունեության թափանցիկության ապահովմանը, կոռուպցիոն ռիսկերի նվազեցմանը և այլն:
