Նորություններ
Խարանի ենթարկվող անձը չի կարող լինել հասարակության լիարժեք անդամ. Արդարադատության նախարար
ՀՀ արդարադատության նախարար Հովհաննես Մանուկյանը ապրիլի 8-ին մասնակցել է խտրականության արգելման օրենսդրության հարցերին առնչվող հանրային քննարկմանը և «Արդյո՞ք անհրաժեշտ է խտրականության դեմ պայքարի մասին առանձին օրենք ունենալ» վերտառությամբ ձեռնարկի շնորհանդեսին:
Մեկնարկել է ՀՀ արդարադատության նախարարության քրեակատարողական ծառայողների հատուկ ուսուցման դասընթացը
Արդարադատության նախարարության «Իրավաբանական ինստիտուտ» ՊՈԱԿ-ը յուրաքանչյուր տարի իրականացնում է նախարարության հատուկ ծառայողների` քրեակատարողական ծառայողների, ԴԱՀԿ ծառայողների, քաղաքացիական ծառայության բարձրագույն, գլխավոր, առաջատար և կրտսեր խմբերի պաշտոններ զբաղեցնող քաղաքացիական ծառայողների վերապատրաստում: Վերջինի գլխավոր նպատակն է կատարելագործել ծառայողների մասնագիտական գիտելիքներն ու աշխատանքային ունակությունները:
«Աբովյան» ՔԿՀ-ում նշվել է Մայրության և գեղեցկության տոնը
«Աբովյան» ՔԿՀ-ի պետի տեղակալ Ռոբերտ Բուդաղյանը շնորհակալություն է հայտնել ՀՀ արդարադատության նախարարությանն ու ՀՀ ԱՆ քրեակատարողական վարչությանը ՔԿՀ-ներում այսօրինակ միջոցառումների կազմակերպման համար և նշել, որ կանայք ամենուր են արժանի ուշադրության:
Համաժողով՝ նվիրված Հայաստանում ապահովված գործարքների համակարգի և համապատասխան շարժական գույքի միասնական էլեկտրոնային ռեգիստրի ներդրմանը
Հայաստանի Հանրապետության արդարադատության նախարարի տեղակալ Արսեն Մկրտչյանը ապրիլի 3-ին մասնակցել է «Ապահովված գործարքների համակարգի և համապատասխան շարժական գույքի միասնական էլեկտրոնային ռեգիստրի ներդրումը Հայաստանի Հանրապետությունում» խորագրով համաժողովին:
Համագործակցության հուշագիր Արդարադատության նախարարության և Ազգային վիճակագրական ծառայության միջև
ՀՀ արդարադատության նախարար Հովհաննես Մանուկյանը և Ազգային վիճակագրական ծառայության նախագահ Ստեփան Մնացականյանն այսօր համագործակցության մասին հուշագիր են ստորագրել: Այն ուղղված է Ազգային վիճակագրական ծառայությանը քաղաքացիական կացության ակտերի գրանցման միասնական էլեկտրոնային կառավարման համակարգից տվյալները թղթային տարբերակի փոխարեն էլեկտրոնային եղանակով տրամադրելուն և վերջինիս վիճակագրական տվյալների մասով հասանելիությունը ապահովելուն։
Ամփոփվել են ՀՀ ԱՆ ԴԱՀԿ ապահովող ծառայության 2014թ. գործունեության արդյունքները
Վարչապետ Հովիկ Աբրահամյանի գլխավորությամբ կառավարությունում այսօր քննարկվել է ՀՀ արդարադատության նախարարության դատական ակտերի հարկադիր կատարումն ապահովող ծառայության 2014 թ. կատարած հիմնական աշխատանքների հաշվետվությունը:
Օրենսդրական կարգավորման ազդեցության գնահատումը՝ կարգավորիչ գիլյոտինի շարունակություն
ՀՀ արդարադատության նախարարության ներկայացուցիչները մասնակցել են Երևանում այսօր մեկնարկած «Օրենսդրական կարգավորման ազդեցության գնահատում. միջազգային փորձ» վերապատրաստման ծրագրին:
Ներկայացվել են քրեակատարողական ծառայության ոլորտում 2014թ. իրականացված աշխատանքների արդյունքները
Վարչապետ Հովիկ Աբրահամյանի գլխավորությամբ կառավարությունում քննարկվել է ՀՀ արդարադատության նախարարության քրեակատարողական ծառայության ոլորտում 2014թ. ընթացքում իրականացված աշխատանքների, գերակա խնդիրների, ՀՀ կառավարության 2014 թ. գործունեության միջոցառումների ծրագրի կատարման և գնահատված կատարողականի հաշվետվությունը: Անդրադարձ է կատարվել նաև քրեակատարողական համակարգում այս տարի նախատեսվող ծրագրերին:
Իրավաբանական անձանց պետական ռեգիստրի գործակալության հիմնադրման 21-ամյակը
Գործակալության հիմնադրման 21-ամյակի կապակցությամբ, Արդարադատության նախարարի հրամանով ծառայողական պարտականությունները գերազանց կատարելու համար Պետռեգիստրի չորս աշխատակիցներ՝ Սերգեյ Կարապետյանը, Մարիա Ոսկանյանը, Գևորգ Նալջյանը և Լուսինե Հարությունյանը պարգևատրվել են շնորհակալագրով ու պատվոգրով:
ՀՀ արդարադատության նախարարությունը ներկայացրել է 2014թ. աշխատանքների արդյունքները
Վարչապետ Հովիկ Աբրահամյանի գլխավորությամբ կառավարությունում մարտի 27-ին քննարկվել է ՀՀ արդարադատության նախարարության կողմից 2014թ. ընթացքում իրականացրած աշխատանքների, գերակա խնդիրների, ՀՀ կառավարության 2014 թ. գործունեության միջոցառումների ծրագրի կատարման և գնահատված կատարողականի հաշվետվությունը:
Հայաստանը մասնակցեց եվրոպական կոնվենցիայի կիրառությանը և Եվրոպական դատարանի վճիռների կատարմանը նվիրված բարձրաստիճան համաժողովին
Եվրոպայի Խորհրդի նախարարների կոմիտեի Բելգիայի նախագահության շրջանակում մարտի 26-27-ը Բրյուսելում տեղի ունեցավ «Եվրոպական կոնվենցիայի իրականացումը մեր ընդհանուր պատասխանատվությունն է» խորագրով բարձրաստիճան համաժողով:
Նախարարը քրեակատարողական հիմնարկների նոր պետեր է նշանակել
Մասնավորապես՝ ՀՀ ԱՆ «Սևան» քրեակատարողական հիմնարկի պետ Լյովա Բաղդասարյանը փոխադրման կարգով նշանակվել է «Կոշ» ՔԿՀ պետի պաշտոնում, «Գորիս» ՔԿՀ պետ Արտուշ Մաքունցը փոխադրման կարգով նշանակվել է «Դատապարտյալների հիվանդանոց» ՔԿՀ պետի պաշտոնում, «Կոշ» ՔԿՀ պետ Ավետիս Ստեփանյանը փոխադրման կարգով նշանակվել է «Գորիս» ՔԿՀ պետի պաշտոնում, իսկ «Դատապարտյալների հիվանդանոց» ՔԿՀ պետ Արամ Խաչատրյանը փոխադրման կարգով նշանակվել է Հայաստանի Հանրապետության արդարադատության նախարարության «Սևան» քրեակատարողական հիմնարկի պետի պաշտոնում: