18/11/2013
Պրոբացիայի ծառայությունը նպաստում է քրեական արդար դատավարությանը, հանցագործություն կատարած անձին հասարակություն վերադարձնելու կազմակերպմանը: Փորձը ցույց է տվել, որ միայն պատժի կիրառումն արդյունավետ չէ, առավել էֆեկտիվ է վերականգնողական արդարադատությունը, երբ հոգեբանները, սոցիալական աշխատողներն ու մյուս մասնագետներն իրավախախտին պատրաստում են հասարակություն վերադառնալուն և որոշակի գործունեություն իրականացնելուն: «Արմնյուզ» լրատվական հեռուստաալիքի «Բանաձև» հաղորդման ժամանակ այս և այլ թեմաների շուրջ են զրուցել ՀՀ արդարադատության նախարարի օգնական Հայկ Սարգսյանն ու «Սոցիալական արդարություն» ՀԿ նախագահ Արշակ Գասպարյանը:   Տեսանյութն ամբողջությամբ կարող եք դիտել սկզբնաղբյուր կայքում:

23/10/2013
«Ինչ անել, որ դատական իշխանության վերին օղակներում ոչ թե միջակները, այլ լավագույնները հայտնվեն: Դատական օրենսգրքի փոփոխություններով Արդարադատության նախարարությունը խնդրի լուծման տարբերակ է գտել` գնահատել դատավորներին ու լավագույններին ընդգրկել առաջխաղացման ցուցակներում: Եվրախորհրդի անդամ երկրների 2/3-ում դատավորի գործունեության գնահատման մեխանիզմն արդյունավետ գործում է»,- տեղեկացնում է «Արմնյուզ» լրատվական հեռուստաալիքը՝ ավելացնելով, որ ըստ նախագծի, վիճակահանությամբ ընտրված դատավորները կգնահատեն դատական ակտերի հիմնավորվածությունը եւ նիստերին դատավորի պատշաճ վարքը: Ցածր գնահատված դատավորների նկատմամբ կարգապահական միջոցներ կկիրառվեն` սկսած հարկադիր վերապատրաստումից մինչեւ լիազորությունների դադարեցում` 6 տարի շարունակ վատ ցուցանիշներ արձանագրելու դեպքում: Մանրամասները՝ սկզբնաղբյուր կայքում:

07/08/2013
Ա1+ -ի հետ հարցազրույցում ՀՀ ԱՆ քաղաքացիական կացության ակտերի գրանցման գործակալության պետի տեղակալ Արգամ Ստեփանյանը տեղեկացնում է, որ 2013 թվականի առաջին կիսամյակում նոր ընտանիք է ձեռք բերել ընդամենը 45 երեխա, որից 23-ը Հայաստանի սահմաններից դուրս։ Նրա խոսքով՝ նախորդ տարվա համեմատ նվազել է որդեգրությունների քանակը: 

21/05/2013
Հայաստանի Խորհրդարանում կառավարության ծրագրի քննարկումներն ընթանում են նույն կերպ, ինչպես Ֆրանսիայում կամ Գերմանիայում: Այդ մասին այսօր՝ մայիսի 21-ին, ՀՀ Ազգային Ժողովում ՀՀ կառավարության 2013 թվականի ծրագրի քննարկման ժամանակ հայտարարել է ՀՀ արդարադատության նախարար Հրայր Թովմասյանը՝ ընդգծելով, որ Կառավարության ծրագիրը երեք բան է ասում՝ ունենալ ապահով, անվտանգ ու արդար պետություն, քանի որ առանց դրանց տնտեսական զարգացում չի լինի: 

11/05/2013
Քաղաքացիական օրենսգիրքը 15 տարվա կիրառությունից հետո փոփոխությունների կարիք ունի: Որո՞նք են քաղաքացիական և գույքային հարաբերությունները կարգավորելու կոչված օրենսգրքի կարգավորման սպասող դրույթները: ՀՀ քաղաքացիական օրենսգրքի բարեփոխման ՄԱՆՐԱՄԱՆԵՐ. Իրավունքով պաշտպանված ...

13/03/2013
Նախագահական ընտրություններին հաջորդած զարգացումները աստիճանաբար տեղափոխվում են իրավական հարթություն: Պաշտոնական տվյալներով նախագահական ընտրություններում երկրորդ տեղը զբաղեցրած Րաֆֆի Հովհաննիսյանը դիմել է ՀՀ սահմանադրական դատարան՝ վիճարկելով ընտրությունների արդյունքները: Այս և այլ թեմաների մասին է Ռ-Էվոլյուցիա հաղորդաշարի վարող Սաթիկ Սեյրանյանը զրուցել  ՀՀ արդարադատության նախարար Հրայր Թովմասյանի հետ: