Նորություններ
Ղազախստանի Հակակոռուպցիոն գործակալության նախագահի հետ քննարկվել են կոռուպցիայի դեմ պայքարի մարտահրավերները
ՀՀ արդարադատության նախարարի տեղակալ Սրբուհի Գալյանը 2019 թվականի հոկտեմբերի 1-4-ը այցելել է Ղազախստանի Հանրապետություն և մասնակցել Վիեննայի Միջազգային հակակոռուպցիոն ակադեմիայի 8-րդ ամենամյա վեհաժողովին:
Բուլղարիայի դեսպանի գնահատմամբ Հայաստանի դատաիրավական բարեփոխումների ռազմավարության նախագիծը հաջողված է
Արդարադատության նախարար Ռուստամ Բադասյանն այսօր ընդունել է Հայաստանում Բուլղարիայի Հանրապետության արտակարգ և լիազոր դեսպան Ցոցորկովա-Կայմակտչիևա Մարիա Պավլովային:
Մեկնարկել է «Կրթությունը քրեակատարողական հիմնարկներում» ծրագիրը
Արդարադատության նախարարի տեղակալ Սրբուհի Գալյանը հոկտեմբերի 7-ին ընդունել է Դի-Վի-Վի Ինթերնեյշնալ հայաստանյան կազմակերպության կողմից իրականացվող «Կրթությունը քրեակատարողական հիմնարկներում» ծրագրի համակարգող խմբին և ոլորտում գործող կազմակերպությունների ներկայացուցիչներին:
Աննա Վարդապետյանն ընդունել է Իտալիայի դատական բարձրագույն դպրոցի պատվիրակությանը
Փոխնախարարը, ողջունելով իտալացի գործընկերներին, հույս է հայտնել, որ առաջին հանդիպումը հիմք կհանդիսանա հետագա սերտ համագործակցության համար:
Ռուստամ Բադասյանը միջազգային դոնոր կազմակերպությունների ներկայացուցիչների հետ քննարկել է արդարադատության ոլորտի բարեփոխումները
Նախարարը ողջունել է միջազգային դոնոր կազմակերպությունների ներկայացուցիչներին և շնորհակալություն հայտնել Հայաստանում ՄԱԿ-ի մշտական համակարգող և ՄԱԶԾ մշտական ներկայացուցիչ Շոմբի Շարփին և աշխատակազմին՝ հանդիպման կազմակերպման գործում ցուցաբերած աջակցության համար: Արդարադատության նախարարը նշել է, որ նման ձևաչափով հանդիպումը արդյունավետ հարթակ է՝ քննարկելու արդարադատության ոլորտի բարեփոխումների համատեքստում համագործակցության ռազմավարական ուղղությունները:
Հերքում. «Քաոս կալանավայրերում» վերտառությամբ հոդվածում առկա տեղեկությունը որևէ աղերս չունի իրականության հետ
Մամուլում այսօր հրապարակված «Քաոս կալանավայրերում» վերտառությամբ հոդվածում առկա տեղեկությունը որևէ աղերս չունի իրականության հետ:
ԵՄ-Հայաստան արդարադատության երկխոսության երկրորդ հանդիպում. արդարադատության ոլորտի բարեփոխումների ռազմավարություն
Հաշվի առնելով ՀՀ կառավարության օրակարգը՝ ուղղված արդարադատության ոլորտի ամբողջական բարեփոխմանը, ԵՄ-ն հայտնում է իր պատրաստակամությունը աջակցելու Կառավարության բոլոր ծրագրերին: Արդարադատության ոլորտի բարեփոխումների վերաբերյալ ԵՄ-Հայաստան ռազմավարական քաղաքականության երկխոսությունը նպատակաուղղված է արդարադատության ոլորտում բարեփոխումների իրականացման գործընթացի զարգացմանը` եվրոպական ստանդարտներին և ԵՄ-Հայաստան Համապարփակ և ընդլայնված գործընկերության համաձայնագրով ստանձնած պարտավորություններին համապատասխան:
Փոխնախարար Քրիստիննե Գրիգորյանի մասնակցությամբ մեկնարկել է «Երեխաների իրավունքների վրա հիմնված մոտեցմամբ ընտանիքում բռնության դեպքերի կանխարգելման և արձագանքման նպատակով» ծրագիրը
Կարևորելով միջգերատեսչական համագործակցությունը երեխաների իրավունքների վրա հիմնված մոտեցումների, կառուցակարգերի և ընթացակարգերի բարելավման գործընթացում՝ փոխնախարար Գրիգորյանը անդրադարձ է կատարել Արդարադատության նախարարության դիրքորոշմանը երեխաների իրավունքների պաշտպանության հարցում՝ ընդգծելով, որ այդ ուղղությամբ նախատեսված աշխատանքների պլանավորումը ներառված է Մարդու իրավունքների պաշտպանության ազգային ռազմավարության շրջանակում։
Ռուստամ Բադասյան. «Կառավարությունը դատական իշխանության նկատմամբ որդեգրել է հավասարակշռված մոտեցում»
Անդրադառնալով անցումային արդարադատության թեմային՝ Ռուստամ Բադասյանը շեշտել է, որ նպատակը ոչ թե անցյալի, այլ ապագայի վրա կենտրոնանալն է: «Մենք պատժիչ քաղաքականություն չենք որդեգրել: Փաստահավաք հանձնաժողովի միջոցով վեր են հանվելու այն բոլոր կոռուպցիոն երևույթները, որոնք չեն նպաստել Հայաստանում տնտեսության զարգացմանը, արդարադատության ոլորտի զարգացմանը և ներդնելու ենք մեխանիզմներ, որոնք կբացառեն ապագայում նման կոռուպցիոն մեխանիզմների կիրառումը»,- հայտարարել է նախարար Բադասյանը:
Ազատությունից զրկված անձանց տրամադրվող սննդի ապահովման գործառույթը կպատվիրակվի մասնավոր հատվածին
Քրեակատարողական հիմնարկներում տնտեսվարման արդյունավետ մեխանիզմների ապահովման, սննդի որակի էական բարձրացման և ՀՀ պետական գնումների հետ կապված կոռուպցիոն ռիսկերից խուսափելու նպատակով, միջազգային և Հայաստանի Հանրապետության զինված ուժերում առկա փորձի հիման վրա, կարճ ժամանակահատվածում նախատեսվում է ազատությունից զրկված անձանց տրամադրվող սննդի ապահովման գործառույթը պատվիրակել մասնավոր հատվածին, ոլորտում մասնագիտական ծառայություններ մատուցող ընկերություններից ձեռք բերել պատրաստի սննդի մատուցման ծառայություններ:
Արդարադատության նախարարն ընդունել է ԵՄ պետվիրակության նորանշանակ ղեկավարին
Արդարադատության նախարար Ռուստամ Բադասյանը սեպտեմբերի 25-ին ընդունել է Հայաստանում Եվրոպական միության պատվիրակության ղեկավար, դեսպան Անդրեա Վիկտորինին:
Անպատասխանատու հայտարարության վերաբերյալ. Դատաիրավական բարեփոխումների ռազմավարության նախագիծը մշակվել է Արդարադատության նախարարությունում
Դատաիրավական բարեփոխումների ռազմավարության և Գործողությունների ծրագրի նախագիծը բացառապես մշակվել է ՀՀ արդարադատության նախարարությունում՝ աշխատակազմի ինտենսիվ աշխատանքի արդյունքում: Վկայակոչված փաստաթուղթը որևէ աղերս չունի Ռազմավարության նախագծի հետ: Հետևապես, Արդարադատության նախարարությունն այս հայտարարությունը համարում է հերթական անպտուղ շահարկումներից մեկը: