Նորություններ
Հրայր Թովմասյանը` ԱՊՀ արդարադատության նախարարների խորհրդի նախագահ
Սույն թվականի սեպտեմբերի 19-22-ը Բելառուսի մայրաքաղաք Մինսկում տեղի ունեցած ԱՊՀ անդամ պետությունների արդարադատության նախարարների խորհրդի հերթական 7-րդ նստաշրջանի աշխատանքների ավարտին որոշվել է 2013թ-ին 8-րդ հերթական նիստն անցկացնել Հայաստանի Հանրապետությունում, իսկ ԱՊՀ արդարադատության նախարարների խորհրդի նախագահ է ընտրվել ՀՀ արդարադատության նախարար Հրայր Թովմասյանը:
Նախարարի շնորհավորական խոսքը՝ Անկախության տոնի առթիվ
Սիրելի՛ հայրենակիցներ, Սեպտեմբերի 21-ը Հանրապետության մեծագույն տոնն է: Մենք նշում ենք հայկական երրորդ հանրապետության ծնունդը: Եվ այսօր պարտավոր ենք առաջին հերթին հիշել այն մարդկանց, ովքեր հնարավոր դարձրեցին անկախությունը՝ նրանց, ովքեր համարձակություն ու կորով ունեցան ազդարարելու անկախությունը՝ աշխարհի հզորագույն կայսրություններից մեկից:
Պարզաբանում
Ի պատասխան մի շարք լրատվամիջոցների հրապարակումների, ինչպես նաև քաղաքացիների դժգոհության պարզաբանում ենք, որ ՀՀ արդարադատության նախարարության իրավաբանական անձանց պետական ռեգիստրի գործակալությունում ինչպես այսօր, այնպես էլ նախորդ բոլոր օրերին պատշաճ մակարդակով, առանց ձգձգումների կատարվել են բոլոր տեսակի գրանցումները, սակայն սույն թվականի սեպտեմբերի 18-ից հնարավոր չի եղել իրականացնել միայն անհատ ձեռնարկատերեի հաշվառումը, քանի որ ՀՀ կառավարությանն առընթեր պետական եկամուտների կոմիտեն հարկ վճարողի հարկային համար (ՀՎՀՀ) չի տրամադրում:
«Սևան» քրեակատարողական հիմնարկում բացվեց նոր համակարգչային լսարան
ՀՀ արդարադատության նախարարության «Սևան» քրեակատարողական հիմնարկում սեպտեմբերի 19-ին բացվեց համակարգչային նոր լսարան: Համակարգիչները տրամադրել էր ՀՀ արդարադատության նախարարությունը: ՀՀ ԱՆ «Սևան» ՔԿՀ-ի դատապարտյալներից մեկը, ով գերազանց տիրապետում է համակարգչին, նույն օրը անցկացրեց նաև առաջին դասընթացը:
Մամուլի հաղորդագրություն
Մի շարք զանգվածային լրատվամիջոցներում լուրեր են շրջանառվել, թե իբր սեպտեմբերի 18-ի լույս 19-ի գիշերը ՀՀ ԱՆ «Նուբարաշեն» քրեակատարողական հիմնարկում միջադեպ է տեղի ունեցել: Մասնավորապես նշվում է, թե իբր հիմնարկի բուժմասում երկու դատապարտյալների հետ ալկոհոլ օգտագործելուց հետո վիճաբանություն է սկսվել և բուժակը դանակով հարվածել է դատապարտյալ Արտակ Հակոբյանի ձեռքին:
Հրայր Թովմասյանը մեկնել է Մինսկ
ՀՀ արդարադատության նախարար Հրայր Թովմասյանը և նախարարի տեղակալ Արամ Օրբելյանը Բելառուսի Հանրապետության արդարադատության նախարարի հրավերով սեպտեմբերի 19-ին եռօրյա պաշտոնական այցով մեկնել են Մինսկ մասնակցելու Եվրասիական տնտեսական համագործակցության (ԵվրԱզԷս) անդամ պետությունների արդարադատության նախարարների խորհրդի 20-րդ և Անկախ Պետությունների Համագործակցության անդամ պետությունների արդարադատության նախարարների խորհրդի 7-րդ նստաշրջաններին:
Ժամանակավորապես դադարեցվել է «Դատապարտյալների հիվանդանոց» ՔԿՀ-ի պետի լիազորությունները
ՀՀ արդարադատության նախարար Հրայր Թովմասյանը, հիմք ընդունելով նախարարության աշխատակազմի օրինականության վերահսկողության տեսչության կողմից ՀՀ ԱՆ «Դատապարտյալների հիվանդանոց» քրեակատարողական հիմնարկում իրականացրած ստուգայցի արդյունքներն ու տեսչության պետ Նորայր Փանոսյանի զեկուցագիրը, սույն թվականի սեպտեմբերի 18-ին հրաման է արձակել քրեակատարողական հիմնարկում ծառայողական քննություն նշանակելու մասին:
«Նուբարաշեն» ՔԿՀ-ում ծառայողական քննություն կանցկացվի
ՀՀ ԱՆ աշխատակազմի օրինականության վերահսկողության տեսչության իրականացրած ուսումնասիրությունների ընթացքում «Նուբարաշեն» քրեակատարողական հիմնարկի անվտանգության ապահովման բաժնի գլխավոր մասնագետ Արթուր Եղիազարյանի՝ իրեն ամրացված չհրկիզվող պահարանում
Կարգապահական տույժ եւ խիստ նկատողություն՝ «Վարդաշեն» և «Նուբարաշեն» ՔԿՀ-ների երեք աշխատակիցների նկատմամբ
ՀՀ ԱՆ աշխատակազմի օրինականության վերահսկողության տեսչության կողմից քրեակատարողական հիմնարկներում անցկացրած ստուգայցերի ընթացքում բացահայտված թերությունները և անցկացված ծառայողական քննության արդյունքներով ներկայացրած եզրակացությունները հիմք ընդունելով՝ ՀՀ արդարադատության նախարար Հրայր Թովմասյանը սույն թվականի սեպտեմբերի 18-ին հրամաններ է արձակել` ծառայողական պարտականությունները անհարգելի պատճառով չկատարելու համար կիրառել կարգապահական տույժ և հայտարարել խիստ նկատողություն՝«Վարդաշեն» քրեակատարողական հիմնարկի պետի տեղակալ Մհեր Սանամյանի ,«Նուբարաշեն» քրեկատարողական հիմնարկի տնտեսական ապահովման բաժնի կրտսեր մասնագետ (ճաշարանի վարիչ) Խաչատուր Միսկարյանի և նույն բաժնի կրտսեր մասնագետ (պահեստապետ) Գրիգոր Սարգսյանի նկատմամբ:
Հայաստանը` Եվրոպական քրեակատարողական ուսումնական կենտրոնների ակադեմիայի անդամ
Բելգիայի Թագավորության Լիեժ քաղաքում սեպտեմբերի 12-ից 15-ը տեղի ունեցավ Եվրոպական քրեակատարողական ուսումնական կենտրոնների ակադեմիայի (EPTA) 5-րդ միջազգային գիտաժողովը: Գիտաժողովին մասնակցում էր նաև <<ՀՀ արդարադատության նախարարության իրավաբանական ինստիտուտ>> ՊՈԱԿ-ի տնօրեն Աշոտ Հայրապետյանը և գիտական քարտուղար Գուրգեն Աֆրիկյանը: Գիտաժողովի փակմանը՝ սեպտեմբերի 15-ին, Եվրոպական քրեակատարողական ուսումնական կենտրոնների ակադեմիայի և <<ՀՀ արդարադատության նախարարության իրավաբանական ինստիտուտ>> ՊՈԱԿ-ի միջև ստորագրվեց Հուշագիր, որի համաձայն Հայաստանը ևս դարձավ Ակադեմիայի անդամ:
ՈՒՇԱԴՐՈՒԹՅՈՒՆ
Հայաստան ժամանած հարգելի' սիրիահայեր, քաղաքացիական կացության ակտերի գրանցման /ծնունդ, ամուսնություն, մահ, ամուսնալուծություն, որդեգրում, հայրության որոշում, անվանափոխություն, ապոստիլ/, իրավաբանական անձանց պետռեգիստրի , նոտարական գործողությունների կատարմանն առնչվող և, ընդհանրապես, ՀՀ արդարադատության նախարարության իրավասությանը վերապահված հարցերի վերաբերյալ խորհրդատվություն ստանալու նպատակով կարող եք զանգահարել նախարարության թեժ գծին՝ 35-83-99 հեռախոսահամարով:
Միայն Հայաստանը չէ, որ պարտվում է Մարդու իրավունքների Եվրոպական դատարանում. Հրայր Թովմասյան
Միայն Հայաստանը չէ, որ պարտվում է Մարդու իրավունքների Եվրոպական դատարանում. այսպես պատասխանեց ՀՀ արդարադատության նախարար Հրայր Թովմասյանը Tert.am-ի այն հարցին, թե ո՞րն է պատճառը, որ հայկական դատարանների կայացրած վճիռները պարբերաբար բեկանվում են Եվրոպական դատարանում:
