Նորություններ
Նախարարը լրագրողների հետ շրջայց կատարեց Իրավաբանական ինստիտուտի նոր մասնաշենքում
Լրագրողները տեղում փորձարկեցին հրաձգարանի հնարավորությունները՝ մասնակցելով նախարարության կազմակերպած հրաձգության մրցույթին: Առաջին երեք պատվավոր հորիզոնականները զբաղեցնողները նախարարի կողմից պարգևատրվեցին հավաստագրերով և խորհրդանշական մեդալներով:
ՀՀ արդարադատության նախարարի ուղերձը Հայաստանի Առաջին Հանրապետության օրվա առթիվ
Պատահական չէ, որ մայիսյան հերոսամարտերը նոր էջ բացեցին հերոս զավակների համար՝ իրենց հայրերի օրինակով սխրագործելու մեր պատմության վերջին պանթեոնը՝ Արցախյան հերոսամարտը: Փառք մեր հերոսներին, շնորհավոր տոնդ, Հայաստան:
Ինչի՞ վրա է ծախսել պետբյուջեի միջոցներն Արդարադատության նախարարությունը. Iravaban.net
Հայաստանի Հանրապետության 2013թ. պետական բյուջեի կատարման մասին տարեկան հաշվետվության շրջանակներում այսօր Ազգային ժողովում Արդարադատության նախարարության 2013 թվականի աշխատանքների կատարողականը ներկայացրեց Արդարադատության նախարարի տեղակալ Սուրեն Քրմոյանը:
Աշխատանքային քննարկում բաժնետիրական իրավունքի վերաբերյալ
Հանդիպումը վարում է գերմանացի փորձագետ Քրիստիան Այխոլցը: Աշխատանքային հանդիպման ընթացքում շարունակվում են ԱՊՀ երկրների Միջխորհրդարանական վեհաժողովի կողմից ընդունված «Բաժնետիրական ընկերությունների մասին» մոդելային օրենքի վերաբերյալ քննարկումները՝ հետագայում ՀՀ օրենսդրության մեջ կիրարկելու նպատակով:
Անչափահաս դատապարտյալները թատրոն են այցելել
«Իրավախախտում կատարած անչափահասների հատուկ ստեղծագործական կենտրոն» ՊՈԱԿ-ի և «Մշակութային կրթության աջակցության» հիմնադրամի աջակցությամբ մայիսի 27-ին «Աբովյան» քրեակատարողական հիմնարկում պատիժ կրող անչափահաս դատապարտյալներն այցելեցին Երևանի պետական կամերային երաժշտական թատրոն՝ դիտելու «Սասունցի Դավիթ» ներկայացումը։
Աշխատանքային քննարկում դատական իշխանությանն առնչվող հայեցակարգային հիմնադրույթների վերաբերյալ
2014 թվականի մայիսի 26-ին ժամը 15.00-ին ՀՀ սահմանադրական դատարանի «Շահամիր և Հակոբ Շահամիրյաններ» սրահում տեղի ունեցավ «Սահմանադրական իրավունքի կենտրոն» հասարակական կազմակերպության կողմից կազմակերպված սահմանադրական բարեփոխումների մասնագիտական հանձնաժողովի աշխատանքային քննարկումը դատական իշխանությանն առնչվող հայեցակարգային հիմնադրույթների վերաբերյալ, որին մասնակցում էին ՀՀ վճռաբեկ դատարանի նախագահ Ա. Մկրտումյանը, ՀՀ վճռաբեկ դատարանի քրեական պալատի նախագահ Դ. Ավետիսյանը, քաղաքացիական և վարչական պալատի նախագահ Ե. Խունդկարյանը:
Թունավոր փորագրություն
փայտյա շինանյութի զննությամբ, փայտի մեջ փորված թաքստոցից հայտնաբերել են պոլիէթիլենով փաթեթավորված երկու փաթեթ, որոնց մեջ առկա էին 0,4 և 0,7 գրամ քաշերով կանաչադարչնագույն, չորացված, մանրացված բուսական զանգվածներ, և պոլիէթիլենով փաթեթավորված երեք առանձին փաթեթ, որոնցից յուրաքանչյուրի մեջ առկա էին մեկական B-8 գրառմամբ սպիտակ գույնի օվալաձև դեղահաբ՝ 1,2 գրամ ընդհանուր կշռով:
Նախարարը շնորհավորեց շրջանավարտներին
Նախարարը ողջունեց ու շնորհավորեց շրջանավարտներին նրանց կյանքում տեղի ունեցող ամենակարևոր իրադարձության կապակցությամբ ու հիշեց իր դպրոցական տարիներից մի պատմություն: «Դասերից հետո ռազմագիտության ուսուցչիս հետ զրույցի ժամանակ հարցրեցի, եթե ձեր կյանքը նորից սկսեիք, ի՞նչը կփոխեիք: Ուսուցիչս պատասխանեց. «Կյանքիցս շատ գոհ եմ ու ոչինչ չէի փոխի, կապրեի այնպես, ինչպես ապրել եմ»»,- պատմեց Հովհաննես Մանուկյանն ու շրջանավարտներին մաղթեց ապրել այնպես, որ երբեք չփոշմանեն կատարածի ու ապրած կյանքի համար:
Հովհաննես Մանուկյանը՝ ոլորտի խնդիրների ու ապագա ծրագրերի մասին (տեսանյութ). panorama.am
«Հայաստանի կառավարության գործունեության ծրագրում էական նշանակություն է տրված այն քայլերին, որոնք նպաստելու են մարդու իրավունքների պաշտպանությանը, առավել արդյունավետ դատական համակարգ ունենալուն: Ընդհանրապես, կառավարության ծրագիրն առանձնանում է իր ամբողջականությամբ, նպատակների և մեթոդների կոնկրետությամբ և հստակությամբ»,- Ազգային ժողովում ասաց արդարադատության նախարար Հովհաննես Մանուկյանը:
Պարզաբանում՝ դատապարտյալի առողջական վիճակի վերաբերյալ
Մայիսի 7-ին դատապարտյալը ևս մեկ անգամ տեղափոխվել է «Արթիկ» բժշկական կենտրոն, հաջորդ օրը ՀՀ ԱՆ «Դատապարտյալների հիվանդանոց» ՔԿՀ, իսկ մայիսի 9-ին՝ «Էրեբունի» բժշկական կենտրոն՝ հետազոտման նպատակով: «Էրեբունի» բժշկական կենտրոնի կողմից դատապարտյալին նշանակվել է դեղորայքային բուժում: Ներկայումս դատապարտյալ Ա. Հակոբյանը ստանում է դեղորայքային բուժումը, և անհրաժեշտության դեպքում նրան ցույց կտրվի համապատասխան բժշկական օգնություն:
Արդարադատության նախարարը հանդիպեց Վարդան Պետրոսյանին
ՀՀ ԱՆ Նուբարաշեն քրեակատարողական հիմնարկ իրականացրած այցի ընթացքում նախարարը հանդիպեց այնտեղ պահվող ճանաչված դերասան Վարդան Պետրոսյանին: Հայտնի է, որ Առաջին ատյանի դատարանի վարույթում գտնվող քրեական գործը հասարակական մեծ հնչեղություն ունի, իսկ Վարդան Պետրոսյանի անձի նկատմամբ հետաքրքրությունը մեծ է ոչ միայն մեր երկրում, այլև Սփյուռքում, և մասնավորապես ֆրանսաբնակ մեր հայրենակիցների մոտ:
