Նորություններ
ՀՀ արդարադատության նախարարն ընդունել է Կարմիր խաչի միջազգային կոմիտեի պատվիրակության ղեկավարին
Հանդիպման ընթացքում ԿԽՄԿ-ի ղեկավարն անդրադարձել է Կարմիր Խաչի հայաստանյան գործունեությանը, ինչպես նաև ՀՀ իշխանությունների հետ իրականացվող՝ Լեռնային Ղարաբաղի հակամարտության հետևանքով անհետ կորած անձանց որոնողական աշխատանքներին: Նախարարը նշել է, որ ՀՀ իշխանությունները խնդիրը լուծելու հարցում ապավինում են ԿԽՄԿ-ի փորձառությանը։
Հանդիպում ԼՂՀ ԱԺ նախագահի հետ
ՀՀ արդարադատության նախարար Հովհաննես Մանուկյանը հունիսի 25-ին հանդիպել է ԼՂՀ ազգային ժողովի նախագահ Աշոտ Ղուլյանին: ԱԺ նախագահը կարևորել է օրենսդիր- գործադիր համագործակցության մեջ արդարադատության նախարարության դերը: Կողմերը քննարկել են Հայաստանի և Արցախի միջև արդարադատության ոլորտում իրակացվելիք համատեղ ծրագրերի առաջնահերթությունները, ինչպես նաև՝ համագործակցության կոնկրետ հնարավորությունները: Անդրադարձ է եղել Արցախի օրենսդրության կատարելագործման հարցում ՀՀ արդարադատության նախարարության փորձագիտական աջակցությանը: Հովհաննես Մանուկյանը գոհունակություն է հայտնել Հայաստանի և Արցախի արդարադատության նախարարությունների միջև ձևավորված գործընկերային ու կառուցողական հարաբերությունների ընթացքից և պատրաստակամություն է հայտնել իր ներդրումն ունենալ ԼՂՀ իրավական ոլորտի կատարելագործման գործում:
ԼՂՀ նախագահ Բակո Սահակյանն ընդունել է ՀՀ արդարադատության նախարար Հովհաննես Մանուկյանին
Փոխգործակցության համար առկա են բոլոր նախադրյալները և այս ուղղությամբ ակտիվ աշխատանքներ իրականացնելու պատրաստակամությունը:
Քննարկվել են Հայաստանի և Արցախի արդարադատության ոլորտների խնդիրները
Հայաստանի Հանրապետության արդարադատության նախարար Հովհաննես Մանուկյանի գլխավորած պատվիրակության՝ ԼՂՀ կատարած երկօրյա այցի շրջանակներում, այսօր տեղի է ունեցել Հայաստանի և Լեռնային Ղարաբաղի Հանրապետությունների արդարադատության նախարարությունների համատեղ սեմինար, որի ընթացքում անդրադարձ է կատարվել քրեական և քաղաքացիական գործերով վարույթների որոշ առանձնահատկություններին, հարկադիր կատարման ծառայության, ՔԿԱԳ համակարգի ու նոտարիատի խնդիրներին:
Հայաստանի և Արցախի արդարադատության նախարարությունների միջև կնքվել է գործընկերային համագործակցության մասին հուշագիր
Հայաստանի Հանրապետության արդարադատության նախարար Հովհաննես Մանուկյանի գլխավորած պատվիրակությունը, Լեռնային Ղարաբաղի Հանրապետություն կատարած երկօրյա այցի շրջանակներում, այսօր հանդիպել է ԼՂՀ արդարադատության նախարար Արարատ Դանիելյանին: Նախարարները քննարկել են արդարադատության ոլորտում երկկողմ համագործակցության զարգացմանն ու ընդլայնմանն ուղղված հարցեր ու ծրագրեր:
ՀՀ և ՌԴ արդարադատության նախարարները քննարկել են համագործակցությանն առնչվող հարցեր
Հունիսի 19-ին Սանկտ Պետերբուրգում տեղի է ունեցել երկկողմ հանդիպում ՀՀ արդարադատության նախարար Հովհաննես Մանուկյանի և Ռուսաստանի Դաշնության արդարադատության նախարար Ալեքսանդր Կոնովալովի միջև: Հանդիպման ընթացքում նախարարները քննարկել են համագործակցությանն առնչվող հարցեր:
Նախարարը մասնակցել է ԱՊՀ արդարադատության նախարարների խորհրդի նիստին
Հայաստանի Հանրապետության արդարադատության նախարար Հովհաննես Մանուկյանն այսօր մասնակցել է ԱՊՀ արդարադատության նախարարների խորհրդի նիստին, որի ընթացքում մասնակիցները ներկայացրել են նոտարական գործունեության մեջ առկա նորարարությունները, գերատեսչական նորմատիվ իրավական ակտերի պարտադիր իրավական փորձաքննություն անցկացնելու ոլորտում փորձի փոխանակման, դատական փորձաքննության ոլորտում համագործակցության, ինչպես նաև այլ հարցեր: Խորհուրդը առաջարկել է Ղազախստանի Հանրապետությանը, որը դիտորդի կարգավիճակով էր մասնակցում նիստին, տալ խորհրդի անդամի կարգավիճակ: Նիստի ընթացքում որոշվել է ԱՊՀ նախարարների խորհրդի 10-րդ նիստն անցկացնել Ղրղզստանի Հանրապետությունում:
ՀՀ արդարադատության նախարարը պաշտոնական այցով Սանկտ Պետերբուրգում է
ՀՀ արդարադատության նախարար Հովհաննես Մանուկյանը պաշտոնական քառօրյա այցով գտնվում է Սանկտ-Պետերբուրգում՝ ԱՊՀ մասնակից պետությունների արդարադատության նախարարների խորհրդի 9-րդ նիստին և Պետերբուրգյան միջազգային իրավաբանական 4-րդ ֆորումին մասնակցելու նպատակով:
Իրավախախտ վարորդների համար օրենքի նոր նախագծով որոշ դեպքերում կսահմանվեն տուգանքների իջեցված դրույքաչափեր. Արմենպրես
ՀՀ կառավարության հավանությանն արժանացած ՀՀ վարչական իրավախախտումների վերաբերյալ օրենսգրքում փոփոխություններ կատարելուն ուղղված օրենքի նախագծով սահմանված են մի շարք դրույքաչափերի իջեցումներ իրավախախտ վարորդների համար: «Արմենպրես»-ի մամուլի սրահում կայացած ասուլիսի ժամանակ նախագծում տեղ գտած փոփոխությունները ներկայացրեց ՀՀ արդարադատության նախարարի տեղակալ Արսեն Մկրտչյանը:
Դատարանը պետք է հասկանալի ատյան դառնա հասարակության համար. Panorama.am-ի հարցազրույցը Արդարադատության փոխնախարարի հետ
-Կառավարության գործունեության ծրագրում ամրագրված են դրույթներ, որոնց համաձայն, կառավարությունն իր գործունեության ընթացքում պետք է նպաստի դատարանների անկախությանը և ապահովի արդյունավետ գործունեության երաշխիքներ, դատական իշխանության ինքնակառավարման մարմինների գործունեության արդյունավետությունը բարձրացնելու ուղղությամբ կառավարությունը պետք է աշխատանքներ իրականացնի, պայմանների ստեղծել դատարանների համար, բեռնաթափել նրանց գործը: Սրանք գործառույթներ են, որոնք ուղղված են մի կողմից դատական իշխանության անկախության ամրապնդմանը: Այս ամենը բխում է Հանրապետության նախագահի կողմից հաստատված դատաիրավական բարեփոխումների 2012-2016 թթ. ծրագրում: Այս ծրագրում բավական գործուն միջոցներ կան դատական իշխանությունների ինքնակառավարումը բարձրացնելու համար: Մենք այդ աշխատանքները շարունակելու ենք իրականացնել ու ավարտին հասցնել: Դատական իշխանության ինքնակառավարմանը նպաստող որոշակի օրենսդրական նախաձեռնություններ արդեն իսկ ընդունվել են, քայլեր արվել են:
Նախարարն այսօր ընդունել է ԵԱՀԿ երևանյան գրասենյակի ղեկավարին
Հունիսի 13-ին ՀՀ արդարադատության նախարար Հովհաննես Մանուկյանն ընդունել է ԵԱՀԿ երևանյան գրասենյակի ղեկավար, դեսպան Անդրեյ Սորոկինին։ Նախարարը, ողջունելով հյուրին, նշել է , որ ՀՀ արդարադատության նախարարության և ԵԱՀԿ երևանյան գրասենյակի միջև արդյունավետ համագործակցությունը կշարունակվի։
Նախարարն ընդունել է Լիտվայի դեսպանին
ՀՀ արդարադատության նախարար Հովհաննես Մանուկյանն այսօր ընդունել է Հայաստանի Հանրապետությունում Լիտվայի Հանրապետության արտակարգ եւ լիազոր դեսպան Էրիկաս Պետրիկասին:
