Նորություններ
ՄԻԵԴ-ը բավարարեց Ս. Մայրապետյանի գործով միջանկյալ միջոց ձեռնարկելու պահանջը
ՀՀ կառավարությունը հնարավորինս սեղմ ժամկետում, բայց ոչ ուշ քան տասնհինգ օրվա ընթացքում Դատարանին պետք է տրամադրի տեղեկատվություն միջանկյալ միջոցի կիրառումն ապահովելու նպատակով ձեռնարկված անհրաժեշտ միջոցների մասին:Ներկայումս Եվրոպական դատարանում ՀՀ կառավարության լիազոր ներկայացուցիչը, համագործակցելով իրավասու մարմինների հետ, ձեռնարկում է անհրաժեշտ քայլեր քննարկվող որոշման պահանջների կատարումն ապահովելու համար:
Հայտարարություն որդեգրման գործընթացի վերաբերյալ ՀՀ Ազգային Ժողովի պատգամավոր Սոֆիա Հովսեփյանի հարցադրումների վերաբերյալ
Հատկանշական է, որ առ այսօր որևէ բացասական զեկույց կամ տեղեկատվություն օտարերկրացիների կողմից որդեգրված երեխաների մասին Կենտրոնական մարմինը չի ստացել, արտերկիր որդեգրված երեխաների կենսապայմանները ապահովված են, վերջիններս ստանում են անհրաժեշտ բժշկական օգնություն և գտնվում են տվյալ պետության իրավասու մարմինների վերահսկողության ներքո:
Ս. Մայրապետյանի գործով միջանկյալ միջոց ձեռնարկելը հետաձգվել է
ՀՀ կառավարությունից պահանջվել է մինչև սույն թվականի հունվարի 11-ը տեղեկություններ ներկայացնել առաջադրված հարցերի շուրջ: Ներկայումս Եվրոպական դատարանում ՀՀ կառավարության լիազոր ներկայացուցիչը ձեռնարկում է համապատասխան քայլեր նշված տեղեկատվությունը հավաքագրելու, ՀՀ կառավարության դիրքորոշումը ձևավորելու և սահմանված ժամկետում Եվրոպական դատարան ներկայացնելու համար:
Հակակոռուպցիոն ռազմավարությունը լինելու է կոնսենսուսային փաստաթուղթ և ընդունվելու է բացառապես լայնածավալ քննարկումների արդյունքում. Արդարադատության նախարարություն
ՀՀ արդարադատության նախարարությունը կոչ է անում բոլոր շահագրգիռ անձանց և հասարակական կազմակերպություններին առկայության դեպքում սահմանված կառուցակարգերի շրջանակներում ներկայացնել իրենց կառուցողական առաջարկները:
Հրապարակվում է ՄԱԿ-ի «Կոռուպցիայի դեմ» կոնվենցիայի ինքնագնահատման հարցաշարը
Կարևորելով հակակոռուպցիոն ոլորտին առնչվող հարցերում թափանցիկության ապահովումը և քաղաքացիական հասարակության ներգրավվածության անհրաժեշությունը՝ ՀՀ արդարադատության նախարարությունը շահագրգիռ հասարակական կազմակերպությունների ուշադրությանն է ներկայացնում ինքնագնահատման անգլերենով հարցաշարը:
Կայացել է Անչափահասների արդարադատության խորհրդի 2018 թվականի ամփոփիչ նիստը
Սուրեն Քրմոյանը ողջունել է ներկաներին և ընդգծել, որ Անչափահասների արդարադատության խորհրդի տարեվերջյան նիստի օրակարգը հագեցած է: «Այսօր դատական իշխանության, իրավապահ համակարգի, գործադիր իշխանության և քաղհասարակության մեր գործընկերները ներկայացնելու են անչափահասների արդարադատության ոլորտում իրականացված նվաճումներն ու արձանագրված հաջողության պատմությունները»,- ասել է Սուրեն Քրմոյանը՝ գոհունակությամբ ընդգծելով, որ խորհրդի աշխատանքներին միացել են ոչ միայն դատական իշխանության, այլ առաջին անգամ մասնակցում են նաև Պաշտպանության և Արտակարգ իրավիճակների նախարարությունների ներկայացուցիչներ:
Արդարադատության նախարարության և Մարդու իրավունքների պաշտպանի ներկայացուցիչները քննարկել են քրեակատարողական ոլորտին առնչվող հարցեր
Հանդիպման ընթացքում քննարկվել են «Քրեակատարողական համակարգում ազատությունից զրկված կանանց և անչափահասների իրավունքների ապահովման վերաբերյալ» Մարդու իրավունքների պաշտպանի արտահերթ զեկույցը, Պաշտպանի աշխատակազմի կանխարգելման ազգային մեխանիզմի կողմից 2018 թվականի սեպտեմբերի 10-ին ՀՀ ԱՆ «Հրազդան», ինչպես նաև 2018 թվականի հոկտեմբերի 15-ին ՀՀ ԱՆ «Նուբարաշեն» քրեակատարողական հիմնարկներ կատարած մշտադիտարկման այցերի վերաբերյալ տեղեկանքները:
Ներկայացվել են երեխաների իրավունքների պաշտպանության ոլորտում կատարված բարեփոխումները
Նույն համատեքստում, ներկայացվել են որոշ փոփոխություններ, որոնք վերաբերել են երեխայի ազատ կարծիքի արտահայտման դրույթներին, խնամատարության ինստիտուտի լիարժեք ներդրմանը, որդեգրման գործընթացներին, ալիմենտի վճարման սկզբունքներին և այլն: Նրա խոսքով՝ երեխան իրավունք ունի ազատ արտահայտելու իր կարծիքը, որը երեխայի տարիքին և հասունության մակարդակին համապատասխան հաշվի է առնվում իրեն վերաբերող հարցերում, իսկ այդ կարծիքն արտահայտելու և դա հաշվի առնելու տարիք սահմանվել է տասը տարեկանը՝ կրկին հաշվի առնելով տվյալ երեխայի հասունության աստիճանը:
Մշակվել են ՔԿՀ-ներում առողջության պահպանման իրավունքի արդյունավետ իրացմանն ու երաշխավորմանն ուղղված փաստաթղթեր
Հատկանշական է, որ ձեռնարկի և ուղեցույցի մշակմանը մասնակցել են Արդարադատության նախարարի տեղակալ Սուրեն Քրմոյանը, Արդարադատության նախարարության հակակոռուպցիոն և քրեակատարողական քաղաքականության մշակման վարչության ներկայացուցիչներ Շուշանիկ Ղուկասյանը և Արփինե Սարգսյանը, ինչպես նաև այլ անձինք:
Ներկայացվել են բանտային բժշկության ոլորտում իրականացված լայնածավալ աշխատանքները
Ծրագրի փակման արարողությանը բացման խոսքով հանդես են եկել արդարադատության նախարարի տեղակալ Սուրեն Քրմոյանը, Երևանում Եվրոպայի խորհրդի գրասենյակի ղեկավար Նատալյա Վուտովան, Հայաստանում Եվրոպական միության պատվիրակության համագործակցության բաժնի ղեկավար Գոնզալո Սեռանո Դե Լա Ռոսան, ինչպես նաև ծրագրի եվրոպական և ներպետական համակարգողներ Իլիաս Կալամարասը և Արման Պողոսյանը:
Քաղհասարակության ներկայացուցիչների հետ քննարկվել է 2019-2022 թթ. հակակոռուպցիոն ռազմավարությունը
Նախարարի տեղակալը, ողջունելով քննարկման մասնակիցներին, ընդգծել է, որ Ռազմավարության նախնական տարբերակն առաջինը քաղհասարակության անդամների հետ քննարկելը բխում է Կառավարության կողմից որդեգրված կոռուպցիայի դեմ մասնակցային պայքարի տրամաբանությունից:
Հասարակական կազմակերպությունների հետ քննարկվել է Մարդու իրավունքների պաշտպանության ազգային ռազմավարությունից բխող միջոցառումների ծրագիրը
Նախարարի տեղակալ Քոչարյանը ողջունել է պետական մարմինների, միջազգային և հասարակական կազմակերպությունների ներկայացուցիչների ակտիվ մասնակցությունը և նշել, որ ներկայացված ոլորտային առաջարկները, եթե չընդգրկվեն 2017-2019 թվականների Գործողությունների ծրագրում, ապա առաջիկայում կքննարկվի դրանց ներառումը 2020 թվականի Ծրագրում: